Бүгін ҚМДБ-ның Стратегиялық талдау және даму бөлімінің меңгерушісі, РАНТ мүшесі,  дінтанушы-ғалым Смайыл Сүйерқұлұлы  Сейтбеков  Шымкент қаласына арнайы іс-сапармен келді.

Дінтанушы-ғалым Смайыл Сүйерқұлұлы  алдымен Шымкент қаласында орналасқан жол және көлік колледжінің  студенттерімен рухани кездесуге қатысып, ата-ананы құрметтеу, лудамания және есірткіге тәуелділік сындық өзекті тақырыптар бойынша сұқбат жүргізді.

Жоғары деңгейде ұйымдастырылған кездесу аясында студенттер көкейде жүрген сұрақтарын қойып, тұщымды жауап алды.

Аталмыш оқу ордасының басшылығы студенттерге рухани тәлім-тәрбие сағатын өткізіп,  қолдау көрсеткені үшін діни басқарма жұмысына алғыс айтып, ризалықтарын білдірді. 

ҚМДБ-ның Шымкент қаласы бойынша өкілдігінің  баспасөз қызметі