IMG 668

IMG 668

Оңтүстік Қазақстан облысы, Шымкент қалалық облыстық орталық мешітінің дәмханасында «Анаға құрмет — баршаға міндет!» атты мерекелік дастархан жайылып, асыл аналарымызға құрмет көрсетілді.
ҚМДБ-ның ОҚО бойынша өкіл имамы Ахметжан қажы Керімбек аналарды құрметтеу туралы жан-жақты айта келе Пайғамбарымыздың мына хадисін әсерлі етіп айтып берді. Абдулла ибн Масғұд (р.а.) былай дейді: «Мен Пайғамбардан (с.а.с.): «Алла Тағалаға ең сүйікті іс қайсы?» – деп сұрадым. Сонда ол (с.а.с.): «Уақытында оқылған намаз», – деді. Мен: «Сосын қайсы?» – дедім. Ол (с.а.с.): «Ата-анаға жақсылық қылу», – деді. Мен: «Сосын қайсы?» – дедім. Ол (с.а.с.): «Алла жолындағы жиһад», – деді» (Бұхари, Мүслім). Абдулла ибн Омар (р.а.) анасын мойнына салып алып Қағбаны тауап етіп жүрген бір кісіні көреді. Ол кісі бұған: «Уа, Омардың ұлы! Не айтасың? Мен осы қызметіммен анамның алдындағы борышымды өтедім бе?» – деп сұрайды. Сонда Абдулла ибн Омар (р.а.): «Жоқ. Сені босанарда оны қысқан толғақтың біреуін де өтемедің. Алайда үлкен ізгілік жасадың. Алла қаласа, аз ісіңе көп сауап жазар», – деп жауап берді.
Ата-анаға олардың тірі кезінде қызмет ету Алла жолындағы жиһадпен пара-пар іс. Тіпті, Пайғамбар (с.а.с.) ата-анасы тірі бір кісінің жиһадқа шығуына рұқсат етпей қойған.
Жалпы, мерекелік шараға 60 апаларымыз бен ұстаз әйелдер қатысты. Өкіл имам барша қатысушыларға арнайы гүл мен кәде-сый тарту етті.

ҚМДБ-ның ОҚО бойынша өкілдігінің баспасөз қызметі

IMG 667

IMG 668

IMG 670

IMG 671

IMG 672

IMG 673

IMG 674

от Редакция

Қазақстан мұсылмандары діни басқармасының Шымкент қаласы бойынша өкілдігі, Шымкент орталық "Halifa Al-Nahaian Aqmeshiti" мешіті. Мекен жайы: ҚР Шымкент қаласы, Темірлан тас жолы, н/з Тел: 8(7252)45-33-38

Добавить комментарий