Бүгін Шымкент қаласы, Еңбекші ауданы «Сейіткәрім қажы» мешітінің ұйымдастыруымен қасиетті Мәуліт мерекеленді.

Мерекелік шараға Шымкент қаласы бойынша өкіл имамы Бақтыбай қажы Бейсенбаев, «Ықылас» қарилар дайындау орталығының құрылтайшысы Қалиолла Маджанов, найб имам Мұхамеджан Естеміров, Мейірбек Сәрсенбаев, Еңбекші аудан орталық «Әл-Біләл» мешітінің бас имамы Дәулет Туленов, «Ықылас» қарилар дайындау орталығының ұстаздары мен шәкірттері т.б. мешіт жамағаты қатысты.

Алдымен барша жамағатты  өкіл имамы Бақтыбай қажы Қыдырбайұлы қасиетті Мәуліт мерекесі мен қатар,  еліміздің ерекше мерекелерінің бірі һәм бірегейі 1-желтоқсан Тұңғыш Президент күні мерекесімен құттықтады.

Құттықтау барысында қос мерекенің қадір-қасиеттеріне ерекше тоқталды.

Осыдан кейін, «Ықылас» қарилар дайындау орталығының ұстаздары мен шәкірттері дайындаған сахналық қойылымдары тамашаланды.

Мешіт имамдары Мәуліт хұтбасын оқыды. Жоғары деңгейде ұйымдастырылған шараға өкіл имам өзінің және жамағат атынан   «Сейіткәрім қажы» мешітінің бас имамы Ералы Есенгелдиевке алғысын білдірді.

Шара соңында барша қатысушыларға мерекелік дастархан жайылды.

ҚМДБ-ның Шымкент қаласы бойынша өкілдігінің баспасөз қызметі