Шымкент медресе колледжінің «Жалпы пəндер» бірлестігінің жоспарына сәйкес, саясаттану пəнінің оқытушысы Сəрсенбеков Құдірет 13-374 тобында ашық сабақ өтті. Сабақ тақырыбы «Сайлау жүйесі». Колледж шəкірттері сабаққа белсене қатысып, саяси сауаттылығын шыңдауға зор ықылас танытты. Зайырлы Қазақстанның сайлау жүйесін бүге-шүгесіне дейін талдап, түсіндіріп берді. Президенттік, Парламенттік, облыстық, қалалық, аудандық мәслихаттар мен Сенат депуттаттары сайлауының ерекшелігі, мерзімі, шарттарын айшықтап берді. Жалпы алғанда, колледж шəкірттері демократиялық елімізде жан-жақты саяси сауатты тұлға болуына мол үлес қосатын ғибратты ашық сабақ өтті. Ашық сабаққа колледж директорының оқу ісі жөніндегі орынбасары А. Сырманов, əдістеме бөлімі меңгерушісі Е. Құдайберген, Арнайы жəне Жалпы пəндер бірлестіктерінің меңгерушілері Д. Жомарт пен А. Абдиров, сондай ақ Арнайы пəндер бірлестігінің оқытушылары қатысып, оқытушы шеберлігі мен шəкірттер біліміне оң баға берді.

«Шымкент медресе клолледж» баспа сөз қызметі