ҚМДБ-ның ОҚО бойынша өкіл имамы Бақтыбай қажы Бейсенбаев Шымкент қаласының бірқатар мешіттерінің діни ахуалы мен танысу үшін қала имамдарымен кездесті.
Кездесу барысында Шымкент қалалық «Абдул Хамид Қаттани» мешітінің бас имамы Бақдәулет қажы Нұрманұлы қалаға қарасты 104 мешіттің имамдары мен таныстырып, олардың бүгінгі таңда атқарып жатқан жұмыстары туралы жеке-жеке есеп берді.
Кездесу барысында өкіл имам Бақтыбай Қыдырбайұлы ҚМДБ-ның төрағасы, Бас мүфти Серікбай қажы Сатыбалдыұлы хазреттің қойып отырған бірқатар тапсырмаларын жеткізді. Тапсырмалар ішінде, кереғар ағымдардың алдын алу жұмыс туралы, имамдардың біліктілігі мен мешіт жанындағы діни сауат ашу курстарының маңыздылығы, күнделікті бесін және ақшам намаздарындағы уағыз айту жұмыстары, қайырымдылық шаралары, мешіт имамдарының әдептілігі мен тәртібі, т.б. мәселелерді кеңінен түсіндіріп берді.
Жалпы, мәжіліс соңында өкіл имам Бақтыбай Қыдырбайұлы Шымкент қаласындағы мешіттердің соңғы уақыттардағы атқарылып жатқан жұмыстарын саралай келе жан-жақты дамыту қажет екендігін тапсырды.

ҚМДБ-ның ОҚО бойынша өкілдігінің баспасөз қызметі