Бүгін ҚМДБ Төрағасы, Бас мүфти Наурызбай қажы Тағанұлының бағдарлық баяндамасына сәйкес,  Шымкент қаласы бойынша өкілдігі мен «Шымкент» медресе-колледжі бірлесіп  «Наурызнама» мерекелік шарасы ұйымдастырылды.

Мерекелік шара бата  берумен басталды. Игі шараны Шымкент қаласы бойынша дін мен дәстүр бағытының жетекшісі Самат Анарбаев жүргізді.  Игі шарада  «Шымкент» медресе-колледжінің директоры Талғат Әсембай мырза барша жиналған ұстаздар мен шәкірттерді наурыз мерекемен құттықтап, наурыз мерекесенің маңыздылығына айрықша тоқталды.

Осыдан кейін,  дін мен дәстүр бағыты аясында азан шақырып ат қою рәсімі, сәбиді бесікке салу дәстүрі сахналық көрініс арқылы тамашаланды. Мұнымен қатар ұлттық ойын түрлеріне де кезек берілді. Атап айтқанда, ләнгі тебу, кір тасын көтеру, асық ату сынды ойын түлері өте тартысты өтті.     Игі шара барысында Самат Анарбаев «Дін мен дәстүр ІІІ» кітабын таныстырып, хабарлама жасады.

Айта кетсек, өткен жылы аталмыш оқу ордасының қыздар бөлімінде «Салт-дәстүр» орталығы ашылып, шәкірт қыздарымызға отбасылық және ұлттық құндылықтар кеңінен түсіндіріліп келеді. Мерекелік шара соңында медресе-колледж директоры Талғат Шәйділләұлы арнайы алғыс хатар табыстап, бағалы сыйлықтар табысталды.

ҚМДБ-ның Шымкент қаласы бойынша өкілдігінің баспасөз қызметі

By Редакция

Қазақстан мұсылмандары діни басқармасының Шымкент қаласы бойынша өкілдігі, Шымкент орталық "Halifa Al-Nahaian Aqmeshiti" мешіті. Мекен жайы: ҚР Шымкент қаласы, Темірлан тас жолы, н/з Тел: 8(7252)45-33-38