Бүгін ҚМДБ-ның Төрағасы, Бас мүфти Наурызбай қажы Тағанұлының бастамасы аясында әз Наурыз мерекесі мен қасиетті Рамазан айының құрметіне Шымкент орталық мешітінде қоршаған ортаны қорғау, табиғатты аялау мақсатында Республикалық «Рамазанда бір ағаш ек» атты акциясы ұйымдастырылды.
Игі шараға Шымкент қаласының бас имамы Бақдаулет қажы Нұрматұлы, Шымкент қалалық дін істер басқармасының басшысы Бақтияр Өнербаев, найб имамдар Мұсабек Ақтамберді, Мұхамеджан Естеміров, Қазыбек Сарыбаев, іс басқарушы Әлжан Сәдиев, қалалық «Зекет және қайырымдылық» қоры мен жастар ісі секторының жетекшісі, Абай, Әл-Фараби, Еңбекші, Қаратау және Тұран аудан имамдары қатысты.
Осы «Рамазанда бір ағаш ек» атты табиғатты қорғау, қолдау, жасылдандыру акциясы аясында мешіт ауласына 1000 түп ағаш отырғызылды. Аталмыш акциға қасиетті Рамазан айында тиісті орындарға ағаш отырғызуға шақырамыз. ҚМДБ-ның Шымкент қаласы
бойынша баспасөз қызметі
