Сарыағаш аудандық орталық мешітінің әйел-қыздар секторының ұйымдастыруымен «Инабатты келін-иман ошағы» атты келіндер арасында сайыс өтті.Әуелі ауданның бас имамы Берік Қалдаров дін мен дәстүрді сабақтастыра отырып уағыз айтып, сайысқа түсетін келіндерге сәттілік тілеп, бата берді. Сайысқа төрт келіндер тобы бақтарын сынады. 1. «Інжу» тобы , Сарыағаш орталық мешітінің сауат ашу курсының келіндері. 2. «Һілал» тобы, Өзбек ұлтының келіндері. 3. «Жансұлу»тобы Жаңаарық елдімекенінің келіндері. 4. «Көзайым» тобы Сарыағаш орталық мешітінің сауат ашу курсының келіндері. Сайыста келіндер салт-дәстүрге сай әрбір ұлт өзінің ұлттық киімдерін киіп, ұлттық тағамдарын дайындады. Келіндерге отбасындағы ата-ененің құрметтеу ,күйеуіне бойынсыну жайында сұрақтар қойылды.Келіндер қамыр жаю,тұшпара түю, сан түрлі салаттар дайындаудан жарысты . Әділ қазы әжелер келіндердің бағасын берді. , Бас жүлдені Сарыағаш орталық мешітінің сауат ашу курсының «Көзайым» келіндер тобы «Өнегелі келін», наминациясын иеленді. Бірінші орынды Өзбек ұлтының «Һілал» тобы келіндері «Зирек келін» наминациясын иеленді. Екінші орынды Сарыағаш орталық мешітінің сауат ашу курсының «Інжу» келіндер тобы «Ибалы келін» наминациясын иеленді.Үшінші орынды Жаңаарық елдімекенінің «Жансұлу» келіндер тобы «Саналы келін» наминациясын иеленді. Сайыс соңында келіндерге сый-сияпаттар берілді.

Сарыағаш орталық мешітің баспасөз қызметі.