Шымкент қаласы Еңбекші аудандық “Тура Жол” мешіті жанындағы әйел-қыздар діни сауат ашу курсында Рамазан айы ерекше көңіл күймен басталды. Мұнда Рамазан дастарханы туралы пәтуа сағаттары өтіп, мешіт безендірілді.

Рамазанның 2-күні шәкірттер арасында оразаға қатысты сұрақ-жауап өткізіліп, дұрыс жауап бергендерге сыйлықтар таратылды. Сонымен қатар, “Бір айда – бір кітап” жобасы аясында өзбек тілінде “Қулағым сенде, қызым” кітабын оқу басталды.

Ең бастысы, Құран хатымы оқылып, шәкірттер ұстаздар басшылығында хатым дұғасын жасады.

Рамазан айы барша мұсылманға мүбәрак болсын!