Шымкент қаласы Еңбекші ауданына қарасты “Узған ата” мешітінде әйел-қыздар діни сауат ашу курсында “Рамазан кешірім айы” атты рухани іс-шара өтті. Шәкірттер Құран аяттары мен хадистер оқып, діни өлеңдер орындады. Сондай-ақ, сахналық көріністер қойылып, Қадір түнінің қасиеті мен сабырлылықтың маңызы түсіндірілді. Іс-шара барысында Құранға түскен 8 шәкіртке “Тәж кигізу рәсімі” өткізілді. Ұстаз Эргашова Мухаббат оразаның құндылығы жайлы уағыз айтып, жамағатты қасиетті аймен құттықтады.