Бүгін ҚМДБ Төрағасы, Бас мүфти Наурызбай қажы Тағанұлының бағдарлық баяндамасы орай, Шымкент қаласы бойынша өкілдігі «Muftyat» баспасынан жарық көрген кітаптарды насихаттау, таныстыру, үлестіру шарасы  өткізілді.

Республика күніне орай Шымкент қаласының бас имамы Бақдаулет Абдрахманов, «Muftyat» баспасының қалалық өкілі  Мұхамеджан Естеміров, ақсақал имам Бекайдар Әміре,  «Халал Даму» бөлімінің бауылаушы маманы Қазыбек Сарыбаев және Жастар ісі секторы мен аудандық мешіттің имамдары қатысты.

«Шаһардағы 95 мешіт жанынан ашылған «Ихсан ілімі» имандылық кітапхана бұрышына «Muftyat» баспасынан жарық көрген «Дін мен дәстүр ІІІ», «Ислам энциклопедиясы», «Үмір сәулесі», «Исламдағы сауда-саттық», «Мақтаулы Мұхаммед», «Бабалар ізімімен – қазақ даласындағы мұсылмандық мектеп», сынды әртүрлі құнды кітаптармен толықты», – деді салаға жауапты М.Естеміров. 

Айта кетсек, бүгінгі таңда ҚМДБ жанынан «Muftyat» баспасы арқылы 60-ден астам әртүрлі тақырыптарға арқау еткен кітаптар жарық көрді. 

ҚМДБ-ның Шымкент қаласы бойынша баспасөз қызметі