Алла тағала қасиетті Құран кәрімде: «Расында, мүминдер бір- біріне бауыр»- деп, адамдардың жанашыр, мейірімді бола білуін міндеттеген. Пайғамбар Мұхаммед (с.а.с) мұсылманның бір- біріне деген хаққыларыменен міндеттерін де сахабалар мен үметтеріне жеткізіп, аманат етіп қалдырған болатын. Бүгін Мақтарал аудандық «Нұғман» мешіті, «Жастар ісі» бөлімі және «Зекет» корпоративтік қорының ұйымдастыруымен ауданда орналасқан мешіт қызметкерлері және жамағаттардың қатысуымен Расулымыз (с.а.с)-нің сүннетін орындау үшін «Бауырыңа өмір сыйла» атты Мақтарал аудандық қан орталығы ОҚО филиалында донорлық қан тапсыру қайырымдылық акциясы өтті. Бұл шараға 50 ден астам мешіт имам- молдалары мен ұстаздары жиырмаға тарта мешіт жамағаттары қатысып, ат салысты. Бұл іс- шара ҚМДБ тапсырмасы бойынша ауданымызда әр жыл сайын іске асырылып тұрады. Алла тағалам қайырымдылық істерімізді қабыл етіп, өзге мұсылманға жәрдемге себепкер болуды баршамызға нәсіп етсін!