ҚМДБ Шымкент қаласы, Абай ауданы «Торлан» мешітінің ұйытқы болуымен ауыз бекіткен жандарға «Ауызашар себеті» үлестірілді.

Аталмыш шарада«Торлан» мешітінің имамы Ғалымжан қажы Назаров  Шымкент қаласының бас имамы Бақдәулет қажы Абдрахмановтың  құттықтау сәлемі жеткізіліп, Торлан тұрғын алабындағы  ораза тұтқан азаматтарға ыстық тамақ үлестірілді.

Ауызашар себетінде:  ыстық тамақ (палау), нан, су, құрма, жемістер, тәттілер, салаттар т.б. Жалпы қайырымдылық шарада 210 ораза тұтқан жамағатқа үлестірілді.

ҚМДБ-ның Шымкент қаласы бойынша баспасөз қызметі