ҚМДБ-ның Шымкент қаласы бойынша бас имамы Б.Абдрахмановтың «Әр аптаға бір шара» атты жұмыс жоспары аясында 10 сәуір күні Еңбекші ауданына қарасты «Смайыл ата» мешітінің имамы Ташенов Ержанның ұйымдастырумен темір жол маңындағы өткелге жөндеу жұмыстарын жүргізді. Бұл өткел тастақты болғандықтан тұрғындарға айтарлықтай қиындық тудыратын еді. Темір жол өткелінің екі жағына да өтуге ыңғайлы баспалдақ жасап берді. Осындай сауапты іске мұрындық болып, жүзеге асуына септігін тигізген мешіт жамағатына ел ыстық ықыластарын білдіріп, алғыс айтты. Ел игілігі үшін істелген қайырымды шаралар бұдан кейін де жалғасын табатын болады.