Бүгін Шымкент қаласы, Қайтпас елді мекенінде орналасқан «Қасірет» мемориалында, яғни  31 мамыр – ХХ ғасырдың басында талайды сарсаңға салып, қасірет шектірген саяси қуғын-сүргін құрбандарын еске алу шарасы болып өтті.

Шара аясында Қазақстан мұсылмандары діни басқармасының төрағасы Наурызбай қажы Тағанұлы хазреттің игі бастамасымен қала мешіттерінде бесін намазынан кейін арнайы қасиетті хатым Құран тіләует етілді.

Мұнымен қатар, қала әкімдігінің ұйытқы болуымен «Қасірет» мемориалында өткен еске алу шарасына Шымкент қаласының бас имамы Бақдәулет қажы Абдрахманов, қала бас имам орынбасары Мұхамеджан Естеміров, Қаратау аудан бас имамы Дастан Желеуов және Еңбекеші аудан бас имамы Еркебұлан Қарақұловтар қатысып,  уағыз-насихат айтылып, шара соңында дұға жасалды.

ҚМДБ-ның Шымкент қаласы

бойынша баспасөз қызметі