Бүгін Шымкент қаласы Абай ауданы Жайлау ш/а №16 жалпы орта мектебінде кездесу өтті. Шымкент қаласы ішкі саясат және дін істері басқармасының тапсырмасы шеңберінде «Оңтүстік жастары» ҚБ-і ұйымдастыруымен өткен кездесуге ҚМДБ-ның Шымкент қаласы бойынша өкіл имамының орынбасары, ЖАНТ мүшесі Ұлықбек Алиакбарұлы қатысты.
Мақсат, дін саласындағы тұрақтылық мәселелері бойынша Шымкент қаласында жалпы білім беру мектептерінде жасөспірімдер арасында деструктивті діни ағымдардың ықпалының алдын алу бойынша іс-шаралар ұйымдастыру жобасы аясында мектеп оқушыларымен кездесу өткізу.
Наиб имам өз кезегінде жоғарғы сынып оқушыларына деструктивті діни ағымдар туралы ақпарат беріп әрі интернетті, әлеуметтік желілерді қолданда мән беретін жайттарға тоқталып өтті. Кездесу соңында оқушылар тарапынан қойылған сұрақтарға жауап берді.
