Сахаба аналарымыздың бірі Ләйла (р.а.) күндердің күнінде дәм-тұз тартып Мәдинаға хижрет етеді. Қасында ұлы Абдуллаһ бар болатын. Пайғамбарымыздың (саллаллаһу аләйһи уә сәлләм) үйінде отырған кезінде сыртта ойнап жүрген ұлын шақырып:

– Балам, келе қойшы, саған бір нәрсе берейін? – дейді.

Пайғамбарымыз (саллаллаһу аләйһи уә сәлләм) дереу одан:

– Ұлыңызға не бермексіз? – деп сұрады.

– Құрма берейін деп едім, – деп жауап қатты әйел.

Сонда Аллаһ елшісі (саллаллаһу аләйһи уә сәлләм):

– Егер балаға «бір нәрсе берем» деп шақырып, еш нәрсе бермесеңіз, амал дәптеріңізге «өтірік айтты» деп жазылар еді, деп ескертті.

ОҚО Орталық мешіт