Шымкент қалалық «А. Қаттани» мешітінде «Құрбан айт ұлық мереке» атты іс шарасы өтті. Әуелі айт шарасына жиналған жамағатқа ОҚО өкіл имамы Ахметжан Керімбектің өзі келіп құттықтап, айт намазын өткізді. Намаздан кейін жиналған көпшілікке мерекелік ойын-сауық шаралары: арқан тарту, қол күрестіру, қошқар көтеру, сияқты ұлттық ойындар ойнатылды. Құнды сыйлықтар таратылды, балаларға батут қойылып, ойын атракциондары қойылды. Балаларға әуе шарлары таратылып, балалар үйінің 30 шәкіртіне дастархан жайылып, ойын-сауықтар өткізілді. Мешітімізге түскен құрбандық малдың еттерінен 100 адамға ет таратылды.

«А.Қаттани» мешітінің баспасөз қызметі