ҚМДБ ОҚО өкілдігінің ұйымдастыруымен облыс имам-молдалары, азаншы және ұстаздары арасында футболдан турнир өтті. Облыстық деңгейде өткен бұл турнирге қала және аудандардан жалпы саны он алты (16) команда қатысты. Ол командалар төрт топқа бөлініп, өзара іріктеу ойындарын өткізді. Әр топтан бір команда Шымкент қаласында өткен финалдық ойындар жолдамасына ие болды. 31 мамыр 2016 ж. финалдық ойындарда төрт команда кездесті. Олар: Абай ауданы (Шымкент қ.), Түркістан қаласы, Сарыағаш ауданы және Сайрам ауданы. Бұл тартысты додада Түркістан қаласынан келген имам-молдалардың командасы топ жарып, 2016 жылдың ҚМДБ ОҚО бойынша чемпионы атанды.

Турнирдің қорытындысы бойынша:
I-орын: Түркістан қаласы
II-орын: Сайрам ауданы
III-орын: Сарыағаш ауданы

ҚМДБ ОҚО бойынша өкіл имамы А. Керімбек жарыс соңында Түркістан командасына чемпиондар кубогін салтанатты түрде табыстап, жүлдегерлерге арнайы мадақтама қағаздарды мен қаржылай сыйақыларды тапсырды.

ҚМДБ ОҚО бойынша өкілігінің баспасөз қызметі