ҚМДБ Төрағасы Наурызбай қажы Тағанұлының бағдарлық баяндамасы аясында Шымкент қаласы бойынша өкілдігі мен «Зекет және қайырымдылық» қорының ұйытқы болуымен  қасиетті Рамазан айында жас балаларға қуаныш сыйлау мақсатында «Рамазан тәттісі» қайырымдылық шарасы өткізілді.

Игі шараға Шымкент қаласы, Тұран аудандық «Қождан ата» мешітінің бас имамы Ерман қажы Бекбауов,  «Зекет және қайырымдылық» қорының және «Әйел-қыздар» секторының өкілдері т.б. еріктілер қатысты.

Рухани шара Қасиетті Құран оқумен басталды. Әуелгі құттықтау сөзді шаһар бас имамы Бақдаулет қажы Нұрматұлының атынан Ерман қажы Бекбауов  сөз сөйлеп, балаларды қасиетті Рамазан айымен құттықады.

Жоғары деңгейде ұйымдастырылған шара соңында демеушілік көрсеткен жандарға алғыс айтып, ризалық білдірді.

ҚМДБ-ның Шымкент қаласы бойынша баспасөз қызметі