Шымкент қаласы Қара тау ауданы “Есжанұлы Сейітжан қари “ мешітінде кезекті айлық Құран хатым жасалды. “Құран оқыңыздар! Расында, Қиямет күні ол өзін оқығанға шапағатшы ретінде келеді”(Муслим). Құран тобындағы шәкірттеріміз әр хатым Құран дұғасында Алла Тағаладан ел-жұртымыздың тыныштығын, отбасымыздың амандығын, деніміздің саулығын, жасаған ізгі амалдарымыздың қабыл болуы үшін дұға жасап, алда келе жатқан Рамазан айын жақсы амалдарға толы етіп өткізуді тіледі. Арамыздағы апаларымыздан дастархан дұғасын қайырып, батасын да алдық. Құран оқушы шәкірттеріміз саны арта берсін. Жасаған дұғаларымызды Алла Тағала қабыл алып, шәкірттеріміздің жүректерін Құран нұрымен нұрландырсын.