Шымкент қаласы бойынша «Әйел-қыздар» секторына қарасты ұстаздарға және медресенің, қарилер орталығының ұстаздарына арнайы қорытынды кеш ұйымдастырылды. Сол кешке келген 70 әйел ұстаздардардан жеребе арқылы 2 ұстазға қасиетті мекендерге умра сапарына жолдама берілді. Бұл жиындағы жеребеге барлық Шымкент қаласы мешіттеріндегі ұстаздар, «Шымкент медресесі» колледжінің ұстаздары, «Ықылас» қарилер орталығының ұстаздары және ҚМДБ «Әйел-қыздар» секторының меңгерушісі Динара Құтқожақызы, Алматы облысының, Түркістан облысының, Жамбыл облысының «Әйел-қыздар» секторының жетекшісілері қатысты.
Осы жеребенің нәтижесінде умра сапары Ибрагим ата мешітінің ұстазы Бахадирова Диёра ұстаз бен Сайрам жами мешітінің ұстазы Караимджанова Зейнеп ұстазға нәсіп болды.
Алла сапарларын сәтті және қабыл болған құлшылықтан етсін!
Ұстаздардың көңілдеріне қуаныш сыйлауға атсалысқан «Кимешекті аурулар» ұжымына және «al-Marwa» қажылық компаниясына үлкен алғысымызды білдіреміз.