Бүгін Шымкент орталық мешітінде ҚМДБ Ғұламалар кеңесінің мүшесі, Ержанұлы Сейтжан қари мешітінің имамы Ерсін Әміре жұма уағызын жүргізді. «Құрандағы тәрбие негіздері» тақырыбында уағыз айтып, елді бірлікке, ынтымаққа шақырды. Сондай-ақ, биылғы жылы ҚМДБ тарапынан «Ислам және дәстүр құндылығы» деп жария етілгендігін айрықша атап өтті. Жұма намазы барысында Шымкент қаласының бас имамы Бақдаулет қажы Нұрматұлы, ұстаз Ерсін Әміреге жамағат атынан алғысын білдірді. Жұма намазын жамағатпен оқып, бірге ел тыныштығы мен бірлігі үшін бата жасады.

ҚМДБ-ның Шымкент қаласы бойынша баспасөз қызметі