Шымкент қаласы. Абай аудандық «Темірші ата» мешітінде аудан бас имамының жетекшілігімен және аудан мешіт имамдарының қатысуымен жиналыс болып өтті. Жиналыстың күн тәртібінде, Шымкент қаласының бас имамы Бағдаулет қажы Нұрматұлының басшылығымен өткен жиналыста қаралған хаттамалық тапсырмалармен таныстыру және олардың орындалуын қамтамасыз ету жолдарын қарастыру

Бірінші: Шымкент қаласы бойынша өкілдтіктің ұйымдастыруымен алдағы 16 тамыз күні өтетін Республикалық құран жарысына іріктеу сайысы.

Екінші: «Мектепке жол акциясы» қайырымдылық шарасын барынша насихаттау және шаралардың жоғары деңгейде өтуіне жан жақты үлес қосу.

Үшінші: Аудан имамының аудандағы мешіттерді аралап, мешіттердің тәртібімен тазалықтарын жиі-жиі тексеріп тұру керектігі және дін қызметкерлерінің оқу-ағарту семинарларына белсене қатысулары міндетті екендігі.

Төртінші: Келген жаңалықтарды ғаламторда бөлісу керектігі айтылып пысықталды.

ҚМДБ-ның Шымкент қаласы бойынша баспасөз қызметі