Бүгін,  ҚМДБ-ның Шымкент қаласы бойынша өкілдігі мен қалалық Жастар  ресурстық  орталығының  ұйытқы болуымен «Зират және зиярат ету мәдениеті» атты рухани шарасында «Darhan Dala» ішкі туризм мәселелері насихатталды.

Насихаттау шарасына  Шымкент қаласының бас имамы Бақдаулет қажы Нұрматұлы мен қалалық  «Тауаф» фирмасының  өкілі Азамат Әбдікерімұлы,  оқу орынының ұстаздары мен студент жастар арнайы қатысты.

Өздеріңізге белгілі,  ҚМДБ-ның төрағасы, Бас мүфти Наурызбай қажы Тағанұлының бастамасымен қолға алынған  «Darhan Dala» жобасы жан-жақты жетілдіріп, насихаттау жұмыстары қолға алынды.

«Жалпы, «Darhan Dala» ішкі туризм жобасына жергілікті мешіт имамдары тарапынан бас имамдар да жобаға атсалысып, жергілікті киелі орындарға зияраттар ұйымдастырып, жобаның идеялық маңыздылығын насихаттауға үлес қосып келеді.  Сондай-ақ, ҚМДБ-ның тарапынан қабылдагған  «Зират және зиярат ету мәдениеті» атты құжаты негізінде халқымызға шариғат талаптарына сай зиярат әдебін үйретуге барынша ат салысу болғандығын баса айтқым келеді. Осы мақсатта «Darhan Dala»  компаниясы кез-келген саяхат, зияраттың техникалық жақтарын ұйымдастырып беруге дайын екендігін жеткіземіз», – деді Азамат Әбдікерімұлы.

Қатысушылар тарапынан бірқатар ұсыныс-пікірлер тыңдалды. Соның ішінде жыл сайын мектеп және оқу орнын бітірушілер емтихан алдында әулие аралап, киелі жерлерге зиярат ететін белгілі. Сол жастарымызға шариғат талабы бойынша дұрыс зиярат ету тәртіптерін түсіндіріп жеткізу керектігі айтылды.

Айта кетсек, «Darhan Dala» ішкі туризм мәселелері жөнінде  студенттердің тарапынан қойылған сұрақтарына жан-жақты жауап берілді.  

ҚМДБ-ның Шымкент қаласы бойынша баспасөз қызметі