С: Шариғатта азанның үкімі қандай?

Ж: Бес уақыт намаз бен жұма намазына азан айту бекітілген сүннет. Басқа намаздарға азан айтылмайды. Айт, сүннет, тасаттық , күн тұтылу, жаназа намаздарына азан айтылмайды.

С: Азанның сөздері қандай?

Ж: Азанның сөздері төмендегідей:

         Аллаһу әкбар! Аллаһу әкбар!

         Аллаһу әкбар! Аллаһу әкбар!

         Әшһәду әл-лә иләһә иллаллаһ!

         Әшһәду әл-лә иләһә иллаллаһ!

         Әшһәду әннә Мухаммадар-Расулуллаһ!

         Әшһәду әннә Мухаммадар-Расулуллаһ!

         Хаййа аләс-сала!

         Хййа аләс-сала!

         Хййа аләл-фәләх!

         Хаййа аләл-фәләх!

       Аллаһу әкбар! Аллаһу әкбар!

       Лә иләһә иллаллаһ!

С: Мұнан басқа қосымша сөздер айтылмай ма?

Ж: Иә, таң намазының азанында «Хаййа аләл-фәләхтан» соң «Ассалату хайрум минән-нәум» деп екі рет айтылады.

С: Азан сөздерін жай бір қайталап, сосын екінші рет дауыстап қайталаса бола ма?

Ж: Әбу Ханифа мазһабында мұндай үрдіс жоқ.

С: Қамат қалай айтылады?

Ж: Адамдар жамағат намазына тұрған кезде азаншы азан сөздеріне «Қад қаматис-сала» сөзін қосып екі рет қайталап айтады.

С: Азан мен қаматтың айтылуындағы өзгешеліктер қандай?

Ж: Азанды созып, ал қаматты созбай, тездетіп айтады.

С: Құбылаға қарап тұрып айту керек пе?

Ж: Иә. Құбылаға қарап тұрып айту Пайғамбарымыздың (с.а.с.) кезінен қалған.

С: Азан сөздерін айтқанда қозғалу керек пе?

Ж: Иә. Азаншының жүзі «Хаййа аләс-саланы» айтқанда солға бұру мұстахаб.

С: Азан айтқанда екі саусағын құлақтарына тығып тұрудың үкімі не?

Ж: Бұл азан айтудағы сүннет іс. Пайғамбарымыз (с.а.с.) өзінің азаншысы Біләлға (р.а.): «Даусыңның көтеріңкі шығуына себеп болады»,– деп осылай істеуді бұйырған.

С: Қаза болған намаздарға азан, қамат айтыла ма?

Ж: Қаза намаздарға азан айтылып, қамат түсіріледі. Көп намаздар қаза болып, бір уақытта оқылатын болса біріншісіне азан, қамат айтылады, қалғандарына қалауы біледі. Қаласа азан шақырады немесе қаматпен шектеледі.

С: Дәретсіз халде азан, қамат айтуға бола ма?

Ж: Азан шақыру мен қамат айтқанда дәреті болғаны дұрыс. Дәретсіз азан шақыруға болады, ал қамат айту мәкруһ. Сондай-ақ, азанды жүніп халінде шақыру мәкруһ.

С: Жүніп болған жағдайда  азан, қамат айтудың үкімі қандай?

Ж: Азанын қайталап айту керек. Қаматы қайталанбайды.

С: Жас бала шақырған азан дұрыс бола ма?

Ж: Иә. Ақыл-есі түзу, естияр баланың азаны дұрыс болып есептеледі. Азанды қайталап айтудың керегі жоқ.

С: Намаз уақыты кірместен бұрын шақырылған азанның үкімі қандай?

Ж: Олай етуге болмайды. Ерте шақырылса қайтадан шақыру керек. Бірақ та Әбу Юсуф таң намазының уақыты кірместен бұрын азан айтуға рұқсат берген.

от Редакция

Қазақстан мұсылмандары діни басқармасының Шымкент қаласы бойынша өкілдігі, Шымкент орталық "Halifa Al-Nahaian Aqmeshiti" мешіті. Мекен жайы: ҚР Шымкент қаласы, Темірлан тас жолы, н/з Тел: 8(7252)45-33-38

Добавить комментарий