ҚМДБ Шымкент қаласы бойынша өкілдігі, Бас имам Бақдаулет кажы Нұрматұлының тапсырмасына орай, Тұран аудандық «Қождан ата» мешітінің наиб имамы Мұрат Таубайұлының ұйымдастыруымен Тұран ауданындағы мешіттердің шәкірттері арасында Құран Кәрімнің 29-30 шы параларын жатқа оқу сайысының іріктеу кезеңі өтті.
Іріктеу сайысына Тұран ауданына қатысты мешіттердің ДСАК шәкірттері қатысып, жүлдеге ілінген бес шәкірттерге силықтар мен қалалық деңгейде өтетін Құран жарысына жолдама берілді. Іріктеу сайысына жалпы қатысқан шәкірттерге Аудан имамы Құрбанбаев Батырхан имамның атынан алғыс хат берілді.
Жарыс соңында Тұран ауданының наиб имамы Мұрат Таубайұлы, Құран жаттаудың тәлім берудің артықшылығы жайында әсерлі уағыз-насихат айтып өтті. Еңбекші аудандық «Исамеддин баба» мешітінің ұстазы Маметов Исматулла қари, және Тұран ауданы «Тұрдынияз ата» мешітінің бас имамы Мекенбай Сапарәлі қари бастаған әділ қазылар алқасы, Құран жарысына катысқан шәкірттерге, жиналған жамағатқа, ұйымдастыруға себеп болған, барша жанға алғыстарын айтып, шәкіттерге сәттілік тіледі.
ҚМДБ-ның Шымкент қаласы бойынша баспасөз қызметі
