1 қазан – Халықаралық қарттар күні.
Шымкент қаласы, Қаратау ауданы әкімшілігінің ұйымдастыру мен депутат кәсіпкерлердің қолдауымен ақсақал әжелерге дастархан жайылып, Қасиетті Құран аяты оқылды.
Бұл күн – аталар мен апалардың, ата-аналардың, бір-бірінің қадірін білетін жақын адамдардың мерекесі.
Адам баласының бойындағы бұл ізгі ниет – Жаратушы Иеміз бұйыртқан әрбір секундтың еншісінен бөлінбек емес, бөлінбейді де.
Өйткені бүгінгі жас – ертеңгі қарт.
Халқымызда: “Қартын сыйлаған елдің қазынасы мол”,-деген ұлағатты сөз бар.

Алла Тағала Қасиетті Құранның “Исра” сүресінің 23-24 аяттарында
“Раббың Өзінен басқаға құлшылық етпеулеріңді және ата-анаға ізгілік жасауларыңды бұйырды. Егер олардың біреуі не екеуі де қартайса, екеуіне “түһ” деп те айтпа.
Оларға дауыс көтерме, тек жақсы сөз сөйле.
Оларға мейірімділік пен кішіпейілділіктің қанатын жайып: “Раббым! Кішкентайымда мені тәрбиелегені секілді оларға Сен де рахым ет”,деп айт”,-– деген.
Көркем мінез иесі болған Пайғамбарымыздың (оған Алланың игілігі мен сәлемі болсын) да: “Әлсіздерге, науқастарға, қарттарға және кішілерге мейірімділік көрсетіңдер!”.
“Қарттарға құрмет пен сияпат Алла Тағалаға деген құрметтен туындайды”,-деген (Бұхари).
Ұрпағы құрметтеген ата-ана әрқашан да бақытты.

ҚМДБ-ның Шымкент қаласы бойынша баспасөз қызметі