Шымкент қаласы Аль-Фараби ауданы Айқап мешітінде «Әйел-қыздар»  секторының ұйымдастыруымен «Жүректердің сағынышы, көңілдердің жұбанышы, уа Расулалла!» атты сайысының екінші кезеңі өтті. Бірінші кезеңге қатысқан 300 кісіден 80-і осы екінші кезеңге өткен болатын. Еліміздің әр аумағынан қатысып, екінші кезеңге өткен бұл нәзік жанды азаматшалардың 67-і Шымкент қаласы Айқап мешітінде өткен сайыстың екінші кезеңінде бақтарын сынады. Тест жүйесімен қағазда тапсырды. Осы тест нәтижесінде 67-ден 20 үшінші кезеңге өтті.
Барлық қатысушыларға мешіттің атынан арнайы тапсырыспен жасалған қалам сыйлыққа тарту етілді. Түскі асты да барлық қатысушылар мен ұйымдастырушыларға мешіттің демеуімен берілді.
Осы іс-шараға ісімен, білімімен, қаражатымен көмегін берген баршаға Алланың нұры жаусын деп тілейміз.