Денсаулық – адамға берілген ең үлкен нығмет және Алланың аманаты. Оған қиянат жасау күнә, оны сақтау – парыз. Хадисте айтылғандай адамдар қадірін біле бермейтін екі үлкен нығметтің бірі, осы – денсаулық. Тіпті, парыз амалдарды орындау үшін де алдымен денсаулыққа мән беріледі.

Мысалы, Рамазан айында сырқаттанып қалған адам оразасын сауыққан соң ұстауы міндетті. Ал ауырып қалған жағдайда емделудің шариғи жолдары хадистерде келген. «Пайғамбар медицинасы» деген атаумен шыққан көптеген кітаптар әлі күнге мұсылмандардың кәдесіне жарап тұр.

Әли ар-Риза ибн Мұса, әл-Мәлик ибн Хабиб, Абдул-Латиф әл-Бағдади сынды Пайғамбар ﷺ медицинасына арнайы кітап жазған ғұламалардың кітаптарында келтірілген деректерге сай назарларыңызға ем-дом жасау мен салауатты өмір салтын ұстанудың 5 мысалын ұсынбақпыз.Құран және дұға

Жеті аяттан тұратын «Фатиха» сүресінің жеті атауы бар десек, соның бірі – аш-Шифа. Алла Елшісі ﷺ Құранды да шипа деген. Құран оқып дем салу, дұға жасау да сырқатты емдеуге, сау адамды аурудан қорғауға көмектеседі.  Қан алдыру (хиджама)  

Хиджама жайында Әбу Һурайрадан ﷺ жеткен «Жәбірәйіл (Оған Алланың игілігі болсын)  маған қан алу – адамдарды емдеудің ең жақсы әдісі екенін хабарлады» деген хадис бар. Бұдан бөлек, Пайғамбардың ﷺ жиі қан алдырғаны туралы да риуаяттар келген. Бүгінгі таңда медицина ғылымы хиджаманың адам денсаулығына пайдалы екенін дәлелдеді.Балмен емдеу«Раббың, араға: “Таулардан, ағаштардан және лапастардан ұялар жасап ал!”, – деп нұсқады.“Сонсоң әр түрлі өсімдіктен же де Раббыңның қолайластырған жолына түс!».Араның қарындарынан түрлі-түсті сұйықтық шығады. Онда адамдар үшін шипа бар. Шынында мұнда да ойлайтын қауым үшін ғибрат бар» (Нахл сүресі, 68-69).

Күнделікті тұрмыста бал тұтыну да науқас адамның ауруына шипа болады, дені сау адамға қосымша күш береді.Қара зере мен зәйтүн майлары 

Қара зеренің өлімнен басқа аурудың бәріне ем екені жөнінде хадис бар. Осы хадистің негізінде қара зереге 1959 жылдан бастап халықаралық деңгейдегі университеттер 200-ден астам зерттеу жұмыстарын жүргізіп, бүгінде оның барлық емге дауа екені анықталып отыр. Ал зәйтүн майы туралы құранда бірнеше аятта келген. Сонымен қатар, Тирмизиден жеткен хадисте Алла Елшісі ﷺ: «Зәйтүн майын тағамға қосып жеңдер әрі оны денелеріңе жағыңдар, өйткені ол өте пайдалы ағаш» деген.Сарымсақ жеу  

Сарымсақ жоғарыда айтылған емделу жолдарына қарағанда қолжетімді әрі пайдасы да орасан. Ол туралы Пайғамбар ﷺ Әли ибн Әбу Талибке (р.а.): «Егер періштемен жолығуыма кедергі болмағанда сарымсақ жер едім»,- деп сарымсақтың пайдалы екенін жеткізген.

Түйін:

Жоғарыда аталған «Пайғамбар ﷺ медицинасынан» 5 мысалдың бәрі адамның тұла бойындағы барлық ауру-сырқауға толықтай ем екенін, ерекше айтсақ, жүрек және қан тамырлары, ішек-құрылыс, бас, жүйке жүйесі, тірек-қимыл, тыныс жолдары ауруларына шипа болатынын айтқымыз келеді. Сондай-ақ, ең бастысы, аурудың Алладан келгеніндей, шипаның да тек бір Алладан болатынын естен шығармағайсыз. Денсаулықтың қадірін біліп, үлкен нығметке, аса бағалы аманатқа адал болайық!