Түркістан қаласы «Алпамыс батыр» мешітінің имамы Дәулет Қожабековтің және жанашыр азаматтардың, мешіт жамағаттарының ұйымдастыруымен «Өзгені де ойлаған, адамдықтың белгісі» атты қайырымдылық шарасы өткізілді.
Шараға Түркістан қаласының тұрмысы төмен, жетім, жартылай жетім, әлеуметтік аз қамтылған отбасылардан 30 жанұяны қамтыған азық-түлік, киім-кешектей қайырымдылық шарасы болып өтті.
Шараның мақсаты «Ораза рақым айы, қайырымдылық айы» екендігін насихаттау, елді, қалталы азаматтарды осындай қасиетті айда қайырымды істерге үлескер ету, әлеуметтік азқамтылған отбасыларға жәрдем етуге шақыру, имандылыққа ұйыту болды. Шара барысында арнайы уағыз насихат айтылып, көпшілікпен жәрдем еткен азаматтарға дұға етілді.
Қайырымдылық шарада әрбір отбасыларға – ұн, картоп, пісте май, 1 қап горох, вермешель, лағман, киім-кешектер, шалбар, көйлектер, тіс пастасы, сабындар, порошок т.б. үйге қажетті заттай берілді.
Шара соңында мешіт ақсақалдары халық атынан өз ризашылығын білдіріп, бата берді. Алла сауаптан жазсын.

«Түркістан-Ахмет Яссауи» мешітінің баспасөз қызметі