Алла тағала Құран Кәрімде былай бұйырады: «Алла зәрредей де әділетсіздік істемейді, қайта титтей жақсылық болса, оны еселеп арттырады, әрі өз тарапынан ұлы сауап береді» (Ниса сүресі, 4/40-аят). Міне, осы аятқа орай Сарыағаш ауданына қарасты «Ақжар» мешітінің имамы Б.Сазанов, «Құрбан қожа» мешітінің имамы А.Мейірбеков, «Нұр» мешітінің имамы Е.Олжабаев, «Мәдениет» мешітінің имамы М.Тарахтиев қайырымды іске себепші болды. Имамдардың мұрындық болуымен жағдайы төмен отбасыларға жоқ-жітіктерге, жесір мен жетімдерге, зағип жандарға азық-түліктерді, қойларды арнайы көліктермен жеткізіп, қайырлы іс жасады. Міне, мұндай қайырымды істер қоғамдағы ынтымақ-бірліктің одан сайын нығайып, адамдардың бір-біріне деген мейірімінің нығаюына септігін тиігетіні анық. Алла тағала қайырымды істеріңіздің қайырын беріп, табыстарыңызға береке берсін демекпіз.

Сарыағаш аудандық мешітінің баспасөз қызметі