Мақтарал ауданында он екі айдың сұлтаны- Рамазан шаралары жоғары деңгейде өткізілуде. Солардың ішінде Күндердің сұлтаны жұма уақытында мешітке келуші жамағаттарға Ораза кестесі таратылып берілді. Аудан бойынша 4 мешітте Құран Кәрім хатым етіліп, 69 мешітте түнгі намаз оқылады. Ұлы айдың түнін көркем ететін және бір құлшылық бар. Ол- тарауих. Тән мен жанды рахатқа бөлейтін Тарауих намазы басталғалы бері ауданның түкпір- түкпірінен мыңнан аса жамағат намазға қатысуда және алғашқы күні намаз алдында ауданымыздың бас имамы Бекзат Сыздықов ҚМДБ төрағасы, Бас мүфти Серікбай қажы Сатыбалдыұлының Қазақстан халқына арналған Рамазан айы құттықтауымен таныстырып өтті. Соңынан қасиетті айдың берекеті жайлы насихат айтты. Күнделікті Құптан намазы алдында жиылған дүйім жамағатқа ҚМДБ тарапынан келген кестеге сәйкес жарты сағат уағыз жасалынады.
Мақтарал аудандық «Нұғман» мешітінің баспасөз қызметі