Қасиетті Рамазан айының келуіне байланысты, 16 мамыр күні облыс бойынша мешіттерде тазалық күні болып жарияланған. Осыған орай Созақ ауданында 16.05.2018 жылы ҚМДБ-ның ОҚО өкілдігінен келген тапсырма бойынша орталық «Шолаққорған» мешітінде тазалық жұмыстары жүргізілді. Тазалық жұмыстарына бас имам М.Есіркептің ұйымдастыруымен мешіт жамағаты жұмылдырылды. Мешіт тазалық жұмыстары кезінде Қасиетті Рамазан айында жамағаттың Тарауих намаздарын оқитын мешіт сыртындағы бастырмаға жайнамаздар төселінді. Мешіт ауласы тазаланып өскен шөптер орылды. Мешіт терезелері сүртіліп, намаз жайы сыпырылып жуылды.

Созақ ауданы орталық мешітінің баспасөз қызметі