Төлеби ауданы бас имамы Анарбаев Самат қажының ұйытқы болуымен 26 наурыз күні Кемеқалған ауылдық округі, «Ақбура» мешітінде және Ынтымақ елді мекені «Хазреті Осман» мешітінде «Атадан мал қалғанша тал қалсын» атты жеміс ағаштарын отырғызу шарасы болды. Осы аталған округтерге қарасты имам молдалардың баршасы бұл шараға қатысты. Сонымен қатар аудан бас имамы мешіт имам молдаларына мешіт тазалығы, көктемгі жөндеу жұмыстарын, әрқашан бақылауды тапсырды. Отырғызылған жеміс ағаштарын оларды күтіп қарауды ескертті. Мешіттердің тазалығы мұсылманның көңіл күйіне де әсер ететіндігі айтылды. Егілген жеміс ағаштары мәуелі болсын деп имам молдалар тарқасты.

Төлеби ауданы «Нұр» мешіті баспасөз қызметі