Ислам дінінде қасиетті төрт айдың бірі ережеп айының алғашқы күнінде. ҚМДБ ОҚО өкілдігінің ұйымдастыруыменен, ОҚО орталық мешітінде «Құран Кәрімді» жатқа және мәнерлеп оқу бойынша VII Республикалық байқауға іріктеу үшін облыстық Құран жарысы өткізілді. Жарыс 4 номинация бойынша жүргізілді, атап айтқанда: 30 пара толық, 20 пара, 10 пара және мәнерлеп оқу. Байқауға Шымкент қаласы, ОҚО-ның 14 ауданынан және «Сарыағаш», «Шымкент» медреселерінен, «Ықылас» қариларды дайындау орталығынан, 125 жас шәкірттер қатысты. Алланың кәләмі болған қасиетті Құран кәрім аяттарын мәнерлеп жатқа оқудан өткен жарысты он екі қари ұстаздар төрағалық етті.
Байқауды ашып берген ОҚО өкіл имамы Бақтыбай қажы Бейсенбаев: «Адамзатқа ақ пен қараны, сауап пен күнәні, адал мен арамды ажыратып алу үшін қасиетті Құранды түсірген Алла тағалаға сансыз шүкірлер болсын. Мынау келіп отырған жас қарилар, бүлдіршіндер білім жолындағы азаматтар, Алла тағала сол жас қариларымыздың білімін арттырсын. Пайғамбарымыз (с.ғ.с) «Бір адам білім талап етіп, сол жолға түссе, Алла тағала оның жәннатқа кіруінің жолын жеңілдетеді», – деген. Алла тағала бүгінгі жиынымызды қайырлы берекетті етсін. Екі дүниенің сіздерге бақытын нәсіп етсін. Қариларымызға сәттілік тілеймін». – деп жас қариларға өз тілегін жеткізді.
Жалпы бұл дода өте жоғары деңгейде өтіп, 125 шәкірттің ішінен 4 номинация бойынша он екі шәкірт бәйгені еншілеріне байлады.
Қорыта келгенде:
30-пара жеңімпаздары
1-орын. Мұстафа Бакуллаев Абылқасымұлы, Бәйдібек ауданы.
2-орын. Құрбаналиев Даулет, Бәйдібек ауданы.
3-Орын. Шавкатбеков Хамидулла, Түркістан қаласы.
20- Пара жеңімпаздары
1-орын. Абдазимов Ниматулла, Түркістан қаласы.
2- орын. Мақан Айдын, Сарыағаш медресесі.
3-орын. Мақанов Орынбасар, Шардара ауданы.
10-пара жеңімпаздары
1-орын. Игілік Исламнұр, Түркістан қаласы.
2-орын. Қошқаров Мұстафа, Түркістан қаласы.
3-орын. Расулов Гуламжан, Шымкент.
Мәнерлеп оқу жеңімпаздары
1-орын. Мұхаммеджанов Абдулхаким, Шымкент қаласы.
2-орын. Ишигов Хабибулла, Шымкент медресе колледжі.
3-орын. Қурбаналиев Ибрахим, Байдібек ауданы.
Қалған шәкірттерге қатысқаны үшін сертификат беріліп, ақшалай сыйақы табыс етілді. Жарыс соңында Қатысқан барлық шәкірттермен қазылық еткен ұстаздарға дастархан жайылып, ас берілді.
ОҚО Орталық мешітінің баспасөз қызметі
