Мақтарал ауданы, Асық ата, Атакент, Мырзакент өңірлерінде орналасқан шекара күзеті қызметтерінде «Суицид» (өз- өзіне қол жұмсау) тақырыбында кездесу жиыны болып өтті. Шараны жүргізген аудандық «Нұғман» мешітінің найб имамы Паташов Бауыржан жас шекарашылар мен қызметкерлерге өз-өзін өлтіру қиындықтың шешімі болып табылмайтындығын аят-хадистер арқылы дәлелдей келе: тек бұл дүние де емес, ақыреттік те азабы ауыр екендігін түсіндіріп, сабырлылық пен төзімділікке шақырды. Алла елшісінің (с.а.с) «Кімде-кім таудан құлап, өзін-өзі өлтірсе, ол жәһәннам отында мәңгі-бақилыққа құлайды. Кімде-кім у ішіп, өзін-өзі өлтірсе, жәһәннам отында мәңгібақи сол уын қолына ұстап ішіп тұрады. Кімде-кім өзін-өзі темірмен өлтірсе, жәһәннам отында сол темірі қолына ұстап өзін-өзі мәңгібақи ұрғыштап тұрады» – деген хадисін жеткізіп, үгіт-насихат жасады. Кездесу соңында сұрақтар қойылып, тиісті жауаптар берілді.

Мақтарал аудандық «Нұғман» мешітінің баспасөз қызметі