«Көрме» орталығында қалалық ардагерлер ұйымының пленумы өтті. Жиында Қазақстан Республикасының Президенті Қасым-Жомарт Тоқаевтың 2026 жылғы 28 қазандағы «Жаңа тарихи циклдегі Қазақстанның өзекті міндеттері» атты Жолдауын насихаттау мәселесі сөз болды. Жиынға 70-ке жуық аға буын өкілі жиналды: пленум мүшелері, аудандық ардагерлер кеңестерінің төрағалары мен орынбасарлары, зиялы қауым өкілдері, салалық және бастауыш ардагерлер ұйымдарының, аналар кеңесінің мүшелері, сондай-ақ журналистер қатысты. Жиынды қалалық ардагерлер ұйымының төрағасы Кенжехан Төлебаев жүргізді. Аталған жиынға Шымкент қаласы Абай аудандық Кенесары хан мешітінің имамы Мұхамеджан Естеміров қатысты.
