ҚМДБ Шымкент қаласы өкілдігінің қолдауымен және Бақдаулет қажы Нұрматұлының тапсырмасы негізінде, Әл-Фараби ауданына қарасты Әл-Біләл мешітінде “Дін мен дәстүр” бағыты аясында мазмұнды іс-шара өтті.
Шара барысында “Дін мен дәстүр” атты еңбектің 1, 2 және 3-кітаптарынан арнайы сұрақтар қойылып, қатысушы жамағаттың және медресе шәкірттерінің білім деңгейі мен діни танымын арттыруға бағытталған танымдық викторина өткізілді.
Іс-шараға Әл-Фараби ауданы бойынша “Дін мен дәстүр” бағытының жетекшісі Жүсіп Рамазан арнайы қатысып, өзінің құнды кеңестерімен бөлісті. Сонымен қатар Әл-Біләл мешітінің имамы Мұхтар Сардарбекұлы жиналған жамағатқа насихат айтып, бұл бағыттың қоғамдағы маңызына тоқталды.
Жалпы бағдарламаның мақсаты — ұлттық салт-дәстүріміз бен Ислам құндылықтарының өзара үйлесімін насихаттау, жастардың діни сауатын арттыру және имандылыққа бағыттау болды.
Іс-шара жоғары деңгейде өтіп, жамағатқа рухани әсер қалдырды. Атсалысқан барша жанға Алла разы болсын!!!
ҚМДБ Шымкент қаласы бойынша баспасөз қызметі
