ҚМДБ Шымкент қаласының бас имамы Бақдаулет қажы Нұрматұлының тапсырмасымен Әль-Фараби ауданы, Әл-Біләл мешіті ұжымының ұйымдастыруымен Асанбай Асқаров атындағы дендросаябақта «Нашақорлық – ғасыр дерті» тақырыбы аясында, дін мен дәстүр бағыты бойынша медресе шәкірттері арасында спорттық жарыстар өткізілді.

Іс-шара барысында шәкірттер жүгіру, турникке тартылу, садақ ату, ләңгі тебу және асық ату сияқты ұлттық және спорттық ойындардан бақ сынады.

Арнайы жиынға:
• Шымкент қаласы бас имамының орынбасары Мұсабек Ақтамберді,
• наиб имамдар Ахметжан Пірәліұлы, Мұхаммеджан Естемиров,
• қалалық спорт секторының жауаптысы Ербол Қалшабек,
• Ордабасы мешітінің наиб имамы Жүсіп Рамазан,
• Әл-Біләл мешітінің бас имамы Мұхтар Абсаматов қатысты.

Шара басында қонақтар шәкірттерге құнды насихат айтып, салауатты өмір салтын ұстануға шақырды. Жарыс қорытындысында жеңімпаздар арнайы жүлделермен марапатталды.