ҚМДБ Шымкент қаласы, Әл-Фараби ауданында орналасқан «Әл-Біләл» мешітінің имамы Қалдаров Беріктің басшылығымен мешіт ұжымының ұйымдастыруымен «Аудандық көшпелі оқу семинары» болып өтті. Семинарға Шымкент қалалық мешіттің бірінші наиб имамы Ақтамберді Мусабек имам және аудандық мешіттің ұжымы және аудандағы дін қызметкерлері қатысты.
Семинарды «Ақида» мен «Тағдыр» дәрістерін «Ислам нұры» мешітінің наиб имамы Күзенбаев Айдар ұстаз жүргізсе, «Ұстаз әууәл» кітабынан «Әбу Райхан Бируни» мешітінің имамы Шамансуров Низамиддин ұстаз дәріс жүргізді.
Семинар соңында, түскі ас беріліп, ауданымыздың діни әлеуетін дамыту және «Ислам және дәстүр құндылықтары» жылында атқарылатын жұмыстар пысықталды.

ҚМДБ-ның Шымкент қаласы бойынша баспасөз қызметі