Бас мүфти атынан БАҚ өкілдеріне ауызашар берілді
Шымкент қаласы облыстық орталық мешітінде Қазақстан мұсылмандары діни басқармасы ОҚО бойынша өкілдігінің ұйымдастыруымен бұқаралық ақпарат құралдарының төл мерекесі қарсаңында ҚМДБ-ның төрағасы, Бас мүфти Ержан қажы Малғажыұлының атынан БАҚ және зиялы қауым өкілдеріне арнайы ауызашар дастарханы жайылды.
Арнайы шараға ҚР ОҚО бойынша журналистер одағының басшылығы мен мүшелері, облыстық ардагерлер кеңесі мен облыстық «Әжелер мектебінің» мүшелері мен жергілікті телеарна тілшілері, ақын-жазушылар т.б. жалпы саны 310 кісі қатысты.
Аталмыш шараны ҚМДБ-ның ОҚО бойынша өкіл имам орынбасары әрі БАҚ бөлімінің жетекшісі Мұхамеджан Естеміров ашып, жүргізіп ҚМДБ-ның төрағасы, Бас мүфти Ержан қажы Малғажыұлы хазреттің құттықтауын жеткізді.
Мерекелі ақ дастархан басында ҚМДБ Ғұламалар кеңесінің мүшесі Зәріпбай Жұманұлы, ҚР ОҚО бойынша журналистер одағының басшысы Айгүл Қапбарова, ХҚТУ-нің ұстазы, профессор Әмір Мұсақұлов, Республикалық «Қазақстан жолы» газетінің бас редакторы Оңғар Тәжиев және ақын, журналист Нармахан Бекалыұлы мырзалар ақ тілек тіледі.

«Жаназа және жерлеу рәсімдері»
кітабының тұсаукесер рәсімі өтті

Шара барысында Қазақстан мұсылмандары діни басқармасының төрағасы, Бас мүфти Ержан қажы Малғажыұлының бастамасымен және Ғұламалар кеңесінің бекітуімен жарық көрген «Жаназа және жерлеу рәсімдері» кітабының тұсаукесер рәсімі өтті.
Сондай-ақ, шара барысында журналистер қауымын БАҚ мерекесімен құттықтап, шығармашылық табыс, бақыт тіледі. Барлық қатысушыларға кәде-сый табыс етілді.

ҚМДБ-ның ОҚО бойынша өкілдігінің баспасөз қызметі