Бұл туралы Бас мүфти Наурызбай қажы Тағанұлы Қазақстан мұсылмандары діни басқармасының Төралқа мәжілісінде дін қызметкерлеріне арналған бағдарлық баяндамасында мәлімдеді.
«Алматы қаласындағы Қазақстан мұсылмандары діни басқармасының әкімшілік ғимаратын күрделі жөндеуден өткіздік. Осы ғимарат жанынан биыл Діни басқарманың ғылыми-зерттеу орталығын ашамыз. Бұл бастама ғылыми жобаларымызды жүзеге асыруға оң ықпал етеді» деді ҚМДБ Төрағасы.
