ҚМДБ-ның  Шымкент қаласы бас имам орынбасары әрі қалалық «Халал Даму»  ЖШС-ның  бақылаушы  өкілі  Қазыбек Сарыбаев  «Шымкент» медресе-колледжінің І-ІІ курс студенттеріне «Адал ас  –  денсаулық кепілі» атты   діни танымдық семинарына  қатысып, дәріс оқыды.

Семинар барысында қалалық «Халал Даму» ЖШС-ның  бақылаушы  өкілі  Қазыбек Сарыбаев шәкірттерге ҚМДБ-ның халал бағытындағы жұмыстары жан-жақты ақпарат беріп, кеңінен түсіндірілді.

Соның ішінде  қасапшылық кәсібі пен  мал сою талап-ережелерін түсіндіріп берді.  Сондай-ақ, жоспар бойынша шәкірттерге іс-тәжіриби түрінде қалада орналасқан мал сою орталығына барып, мал сою үлгісін тікелей үйрету көзделуде.

Басқосу барысында  дінтанушы-ұстаз  Шымкент» медресе колледжінің директоры Талғат Әсембай танымды тұрғыда өткен дәріске алғыс айтып, ризалық білдірді.

ҚМДБ-ның «Шымкент» медресе-колледжінің баспасөз қызметі