Жуырда Шымкент  қалалық «Қамқор-Шарапат» бөлімінің жұмыстарын насихаттау бойынша Әл-Фараби аудандық «Абдул Хамид Қаттани» мешітінде «Жаназа  һәм діни рәсімдер» атты  рухани дәріс ұйымдастырылды.

Рухани шара Шымкент қаласының бас имам Бақдаулет қажы Нұрматұлының бастамасымен,  Әл-Фараби аудандық мешіттің бас имамы Ахметжан қажы Керімбектің қолдауымен жүзеге асты.

Шараға мешіт ұстаздары мен қалалық «Әйел-қыздар» секторының және «Әжелер» мектебінің мүшелері қатысып, жаназа кезіндегі кейбір мәселелер түсіндірілді. Соның ішінде мәйітті жуу рәсімі мен мәйітті кебіндеу сынды дүниелер тәжірибе түрінде көрсетілді.

Игі шараға қатысқан қалалық «Әжелер» мектебінің мүшелері атынан Бекжанова Қалдыкүл қажы  апа ұйымдастырған азаматтарға және  қалалық «Қамқор-Шарапат» бөлімінің жұмыстарына алғыс айтып,  ризалығын білдірді. 

ҚМДБ-ның Шымкент қаласы бойынша өкілдігінің баспасөз қызметі