Жуырда Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен елордада ҚМДБ жанынан құрылған Ақсақалдар кеңесінің мүшелері Республикалық «Әзірет Сұлтан» мешітінде қаңтар айындағы қайғылы оқиғада қаза тапқан жандардың рухына қасиетті Құран аяттарын бағыштаған болатын.

Осы игі бастама аясында Шымкент қаласының бас имамы Бақдаулет Абдрахмановтың қолға алуымен қала бойынша барлық мешіттер имамдары қасиетті жұма намазы кезінде қаңтар айындағы қайғылы оқиғада қаза тапқан жандардың рухына хатым Құран бағышталып, елдің амандығы мен тыныштығына дұға етті.

Айта кетсек, ҚМДБ-ның «1 күнде – 1 Құран хатым» жобасы аясында қала мешіт имамдары қасиетті Құран Кәрімді толық аяқтап, сауабын марқұм болған жандарға бағышады.

ҚМДБ-ның Шымкент қаласы бойынша баспасөз қызметі