Бүгін,  ҚМДБ Төрағасы, Бас мүфти Наурызбай қажы Тағанұлының қолдауымен Шымкент орталық мешітінде  ҚМДБ-ның «Ислам – ынтымақ пен бірлік діні» атты бастамасы аясында «Ислам тарихы: талас-тартыс мәселелері» атты рухани танымдық діни семинары өткзілді.

ҚМДБ Діни білім және кадр даярлау бөлімінің меңгерушісі Смайыл Сүйерқұлұлы  арнайы қатысып, «Ислам тарихы: талас-тартыс мәселелері» тақырыбы бойынша имамдарға дәріс оқыды. Дәріс барысында  әділетті төрт халифаның өмірі жолы мен түрлі кереғар ағымдардың шығу тарихы сынды өзекті тақырыптар төңірегінде өрбіді. Өте қызықты һәм тартымды өткен семинарды қатысушылар тапжылмай тыңдап, көкейлерінде жүрген сұрақтарының жауабын алды.

Семинар барысында Шымкент қаласының бас имамы Бақдаулет қажы Нұрматұлы мәртебелі ұстаздарға алғысын айтып, ризалық білдірді.

Айта кетсек, рухани семинар қатысушыларына сертификат  табысталды.

ҚМДБ-ның Шымкент қаласы бойынша баспасөз қызметі