Қазығұрт аудандық «Қ.Өміралиев» атындағы кітапханада оқырмандармен кездесу ұйымдастырылды. Кездесу аудандық орталық мешіті және кітапхана ұжымымен бірлесіп атқарылды. Дініміздің және ата бабалардан келе жатқан дәстүрлердің тарихына тоқталып өтті. Пайғамбарымыздың Мұхаммед (оған Алланың салауаты мен сәлемі болсын) көркем мінезін аудандық орталық мешітінің имам орынбасары Махмут Каримов, Молбұлақ мешітінің имамы Қасымбек Тасбауовтар әсерлі етіп әңгімелеп берді. Молалы мешітінің молдасы Әділхан Сертай, Кезеңбұлақ мешітінің имамы Балабек Жұмағұловтар күнделікті орындалатын дәстүрлеріміздің тарихын айта келе, дәстүрімізді орындау бұл тәрбиеге, имандылыққа баулуға жетелейтіндігін, халық өз дәстүрін құрметтеуі керектігі айтылды. Сондай-ақ өзге ұлттардың дәстүрін құрметтеп, өз дәстүріне берік болу қажеттілігін айтты.

Қазығұрт аудандық орталық «Мұсылмандар» мешіті