Зекет беру – Алла Тағала бұйырған бес парыздың бірі әрі бірегейі. Зекет беру арқылы мал- жанның берекесі кіріп, ырысы молаяды. Дәл сол секілді зекет қызметі де сауапты да жауапты іс болып табылады. Мақтарал аудандық «Нұғман» мешіті Зекет қоры бөлімінің маманы Паташов Бауыржан ауданға қарасты жеке кәсіпкерлерге жолығып, түсіндірме жұмыстарын атқаруда. Соның арқасында белгілі кәсіпкерлер дүние- мүліктерінен зекеттерін беруде. Қаншама отбасыларға қаржылай және азық- түліктей көмек көрсетіп, қайырымдылық шараларын да атқаруда. Солардың қатарында, Б. Нурумбетов 21 отбасыға 20,000 теңгеден жалпы құны 420,000 тг қаражат үлестірді. Ал облыстық мәслихат депутаты, Шымкент қалалық педагогикалық институттың ректоры, ауданның құрметті азаматы О. Аяшев 36 отбасыға азық- түлік таратып, көптің батасын алды. Алла баршаларымыздың ниеттерімізді қабыл алғай!

Мақтарал аудандық «Нұғман» мешітінің баспасөз қызметі