Шымкент қаласы Еңбекші ауданы Тәжібай ата мешіті әйелдер-қыздар секторы қалалық деңгейдегі рухани ауызашар кешін өткізді.
Кешке 100-ден аса әйел-аналарымыз қатысты. Шымкент қаласы әйел-қыздар секторының жетекшісі Балжан Досжанова Рамазан айының қадір-қасиеті жайлы тағылымды насихат айтты. Сондай-ақ Еңбекші ауданы ұстазы Гүлжан Сыдықова уағыз жасаса, кеш соңында ең басты сыйлық — Умра жолдамасының иегері анықталып, ерекше әсер берді.
Бағдарлама барысында Рамазанның құндылығы кеңінен насихатталып, сұрақ-жауап ойындары, әсерлі қойылымдар, ән-күй ұйымдастырылды.
Ауызашардың бас демеушілері — Шымкент қаласының аспаз блогері Жанар Маханбетова бастаған кәсіпкер ханымдар мен шара ұйымдастырушы “Фурқан” оқырмандар клубына алғыс білдіреміз. Атсалысқан әрбір жанға Алланың мейірімін тілейміз.
